🔴 YAWAN MUTANEN DA SUKA HALARCI TARON APC A KADUNA YA NUNA GOYON BAYAN TINUBU A 2027 – KWANKWASO

Wani jigo a jam’iyyar APC, Musa Illiyasu Kwankwaso, ya bayyana kwarin gwiwarsa kan yiwuwar Shugaba Bola Ahmed Tinubu samun goyon bayan masu zaɓe a yankin Arewa maso Yamma a zaɓen shugaban ƙasa na 2027.

Kwankwaso ya bayyana hakan ne yayin da yake zantawa da manema labarai a wajen ƙaddamar da yaƙin neman zaɓen shugaban ƙasa na APC a hukumance, wanda aka gudanar a jihar Kaduna.

A cewarsa, yawan mutanen da suka halarci taron ya nuna irin goyon bayan da yake ganin Tinubu da jam’iyyar APC ke samu a yankin gabanin zaɓen 2027.

Ya kuma bayyana fatansa na ganin al’ummar yankin sun sake zaɓar Tinubu domin ya ci gaba da jagorantar Najeriya a wa’adi na biyu.

Sai dai, yawan mahalarta taron siyasa ba lallai ne ya zama cikakken ma’aunin sakamakon zaɓe ba, domin masu kaɗa ƙuri’a ne za su yanke hukunci a 2027.

📌 Ku ci gaba da bibiyar E-Magazine Media Channel domin samun sahihan labarai da rahotannin siyasa, ilimi da zamantakewa.

✍️Baba Comrade

Managing Editor

E-Magazine Media Channel

For enquiry, advertisement, announcement or jingles please call 08036614747

#EMagazineMediaChannel #APC #Tinubu #Kaduna #Zaben2027 #Labarai